أخبار البلد مع بنت البلد
نخبة بوست – بدأت القوائم الانتخابية تظهر وتبان عليها الأمان.. لهون تمام، بس اعتقد انك كبرت هلا وصرت فاهم لحالك عشان ما يخدعوك الشعارات والترهات المكررة.. واجبي احكيلك، حقوق الغني محفوظة..طلباته مجابة..مركزه وشغل ولاده جاهز وتفصيل كمان.. بضل صوتك كفقير.. عورا لكنها تستر حقوقهم.. علي صوتك وقعدهم بالزاوية،
الإدارة شطارة
بدل ما تتشاطر ع قرارات الخدمة المدنية الجديدة كموظف عادي.. تعلم من المدير.. شوف كيف راتبه مكفيه سيارة وسفر.. استجمام واستحمام..وع سيرة لائحة الأجور لسه عم يدرسوا، بياخدوا اللائحة وبردوا، ما تفكر انك مش بحساباتهم، اصلا انت وأمراضك ووجعك.. رأس مال حساباتهم، أنا بقول، بلاها قائمة الأجور ابلشوا وادرسوا أسعار القبور..لندفن فيها اجسادنا.. احلامنا.. أمالنا..قصة اخبارية،،شاب اردني يدرس في امريكا يقول : اشتهت نفسي يوما البطيخ فذهبت لمحل الفاكهة في تكساس لشراء بطيخه وصلت لمحل الفاكهة ورأيت البطيخ وأخذت أتحسس كل واحدة وأطبطب عليها حتى اخترت واحدة.
امرأة أمريكية كانت تشاهد ذلك الموقف فقالت له مستغربة : لماذا تطبطب على البطيخ؟ قال لها حتى أختار واحدة حمراء وحلوة نحن من عادتنا أن نطبطب عليها قبل شرائها. فسألته: ممكن تطبطب لي على واحدة من اختيارك !!!
فرح بطلبها وانتابه شعور فجأة بالفخر كأنه يمثل الوطن في اولمبياد سيدني… وبدأ من جديد يطبطب على البطيخ حتى اختار بطيخة وطلعت حلوة جدا.
قالت له : شكرا يبدو أنك من أصول عربية ممكن أعرف من أي بلد؟ قال لها أنا من الأردن… فابتسمت وقالت له :
يا ريت تطبطبوا على المسؤولين عندكم قبل ما تختاروهم….
فقال لها : لا نحن اختصاص بطيخ فقط..
ألقاكم في نشرة بلدية قادمة
مع تحيات بنت البلد رنا حداد.
